Poster Cymdeithas yr Iaith
Os wyt ti wedi pasio drwy Talybont tu allan i Aberystwyth, ti siŵr o fod wedi gweld y llun o Nan Bowyer sy'n rhan o'r murlun enwog gan y Lolfa. Raymond Daniel oedd y ffotograffydd, ac mae'r llun eiconig o'r 'ferch yn y got hir' yn adlewyrchu ysbryd protest Cymdeithas yr Iaith gan mai mewn rali i gefnogi Dafydd Iwan y tynnwyd y llun ar ôl iddo gael ei arestio yn ystod yr ymgyrch arwyddion ffyrdd nôl yn 1970.
Mae 'tafod y ddraig', sef logo Cymdeithas yr Iaith, hefyd yn symbol eiconig o hanes y frwydr dros yr iaith, felly os oes gen ti ddiddordeb yn hanes y Gymdeithas ac yn yr achos, dyma'r poster delfrydol i ti!
Cer draw i wefan y Gymdeithas hefyd i gael rhagor o wybodaeth ac i ymaelodi er mwyn helpu i sicrhau dyfodol i'r ymgyrch dros dy iaith! www.cymdeithas.cymru
Poster mawr maint A2 (420mm x 594mm) ar bapur trwchus o safon.
Gall y lliwiau ar y fersiwn argraffedig amrywio ychydig.
Rydyn ni'n anelu at bostio unrhyw archebion o fewn 2-3 diwrnod gwaith.
Mae ein cyfraddau postio i'w gweld yma.
Galli di ddychwelyd eitem rwyt ti'n anhapus â hi a'i chyfnewid am gredyd siop neu eitem arall o'r un gwerth o fewn 30 diwrnod!
